వాహనంపై పడ్డ వైసీపీ హోర్డింగ్.. అచ్చెన్నాయుడికి తృటిలో తప్పిన ప్రమాదం
- ఇచ్ఛాపురంలో బైక్ ర్యాలీని నిర్వహించిన టీడీపీ శ్రేణులు
- మంత్రి ఎస్కార్ట్ వాహనంపై పడ్డ వైసీపీ హోర్డింగ్
- నలుగురు కార్యకర్తలకు గాయాలు
ఏపీ మంత్రి అచ్చెన్నాయుడికి తృటిలో ప్రమాదం తప్పింది. ఇచ్ఛాపురంలో టీడీపీ శ్రేణులు బైక్ ర్యాలీని నిర్వహించాయి. ఈ సందర్భంగా అచ్చెన్నాయుడు ఎస్కార్ట్ వాహనంపై వైసీపీ హోర్డింగ్ బోర్డు పడింది. ఈ ఘటనలో నలుగురు టీడీపీ కార్యకర్తలు గాయపడ్డారు. అయితే, అచ్చెన్నాయుడికి ఏమీ కాకపోవడంతో అందరూ ఊపిరి పీల్చుకున్నారు. అంతకు ముందు సోంపేట మండలం కొర్లాం నుంచి ఇచ్ఛాపురం వరకు టీడీపీ బైక్ ర్యాలీని అచ్చెన్నాయుడు, ఎంపీ రామ్మోహన్ నాయుడు ప్రారంభించారు.
